Uppsetning: Gott að taka FLÆÐI fyrst - vekja líkamann upp og láta hann vita að þú ert að fara að taka æfingu. Í dag ætlum við að taka stutta en góða keyrslu. Fá púlsinn vel upp og sjá að það þarf ekki allt að taka langan tíma – góð æfing kemur í mörgum og misjöfnum útfærslum. Fyrst eru tvö AMRAP í 6 mínútur hvort og því fylgja svo tveir 4 mínútna TABATA hringir. Gott er að sækja TABATA APP (INTERVAL TIMER). Ef þú hefur orku eða langar að taka Finisher eftir útihlaup eða göngu verður slíkur hér að neðan. Í lokin er svo gott að fylgja TEYGJUVIDEO. Muna svo að þó ég skrifi 10 endurtekningar reikna ég alveg með að þið farið á ykkar hraða og þið megið alltaf minnka um 2 endurtekningar eða auka um 2. 10 er einungis viðmiðið okkar.

AMRAP þýðir As Many Rounds As Possible → Þú ferð eins marga hringi af nokkrum æfingum og þú getur á tilskyldum tíma. Best að setja timer á símann/úrið á þær mínútur sem á að gera og stoppa þegar síminn/úrið pípir.

Tæki: Handlóð (ef þú átt), annars fylla tvær 0,5l vatnsflöskur til að hafa í höndunum, miniband (ef þú átt) og dýnu.