Dagur 20

Hugleiðsluæfing dagsins - Hvað er ég að segja um sjálfan mig

Ein 7 mínútna hugleiðsla á dag kemur til með að skila þér ávinning. Þú getur á hvaða tímapunkti sem er lent á erfiðum kafla, þá bröttum kafla í fjallinu þínu þar sem þú verður „móð/ur“ og átt erfitt með að halda áfram. Sama hvað, HALTU ÁFRAM! Ekki snúa við, ekki spretta af stað og verða óþolinmóð/ur, einfaldlega haltu áfram. Þú getur þetta. Þú átt það skilið.

Í dag ætlar þú að spyrja þig sömu spurningu og í gær með þeim tilgangi að kanna hvort þú ert að segja ákveðinn hlut/hluti við þig meðvitað eða ómeðvitað sem eru að draga þig niður og halda þér frá því að verða ÞÚ – hver þú ert í raun og veru. Þegar þú áttar þig meira á þér og áttar þig á þeim hlutum sem eru sjálfskapaðir og vinna á móti þér getur þú byrjað að vera sú útgáfa sem okkur öllum er ætlað að njóta góðs af – tala nú ekki um hvað ÞÚ átt það skilið. Ef þú ert að segja uppbyggjandi hluti þá FRÁBÆRT – áttaðu þig á því í hugleiðslunni, vertu ánægð/ur með það og haltu því áfram. Spurning sem þú ætlar að spyrja sjálfan þig er „Hvað er ég að segja um sjálfan mig í dag?

*Það gæti verið gott að vera með blað og skriffæri hjá þér ef þú skyldir komast að einhverju í hugleiðslunni sem þú vilt geta minnt þig á. Ef þú ert ekki með blað og skriffæri gætir þú skrifað punkta í símanum.

Back to blog