Hafragrautur

Aftur í yfirlit

* Gert um morguninn                

Innihald:
- 40 gr hafrar
- 1/2 banani (sneiddur í litlar sneiðar eða kraminn)
- 1-2 tsk möndlusmjör
- Möndlumjól/haframjólk eftir smekk (um 1 bolla)

Aðferð:
1. Öllu skellt í pott og hrært saman/látið malla þar til eldað (ca 5 mín). Ef það á aðeins að gefa barninu er sniðugt að hræra saman banana og möndlusmjör eftir að grauturinn er eldaður, kælir hann fyrr).

Grísk snilld m/berjum

Aftur í yfirlit

* Gert kvöldið áður og klárað um morguninn  

Innihald:
- 2 msk grísk jógúrt
- 15 gr chia fræ
- 1 kúfuð tsk hnetusmjör*
- Múslí (2 msk)
- Kókos (1 tsk)
- Ber að eigin vali

Aðferð:*
1. Setja gríska jógúrt í box og blanda chia fræunum vel saman við kvöldið áður. Þau bólgna svo um nóttina.
2. Um morguninn setur þú hnetusmjör, múslí, kókos og ber yfir og annað hvort tekur með eða borðar á staðnum. 

Hollustu pönnukaka

Aftur í yfirlit

* Gert um morguninn en einnig hægt að gera kvöldinu áður

Innihald:
- 1 egg
- 1/3 bolli hafrar
- ½ banani
- Smá vanilludropar

Aðferð:
1. Allt sett í nutribullet eða blandara og steikt á pönnu
2. Hita ca ¼ tsk af kókosolíu á pönnu á miðlungs-lágum hita
3. Steikja á hvorri hlið (ef gert kvöldinu áður er þetta geymt í kæli og skref d. skellt á um morguninn).
4. Setja möndlusmjör, banana og hunang ofaná

Skammtastærð: Miða við þennan skammt í morgunmat (eða hádegismat) með ca 1-2 tsk af möndlusmjöri og 1/4-1/2 sneiddum banana ofaná og allt að 1/2 tsk af hunang

Kínóa krukkugrautur

Aftur í yfirlit

* Gert kvöldinu áður

Innihald:
- 1 dl soðið quinoa (eða 1/2 dl grófir hafrar)
- 1 msk chia fræ
- 1 msk hörfræ
- 1/2 tsk kanill
- 1/2 epli brytjað í litla bita
- 1 msk hnetu- eða möndlusmjör
- 2 dl af möndlumjólk eða annarri mjólk (bæta við mjólk næsta dag ef vilt grautinn blautari)
- 1/2 msk hlynsíróp

Aðferð:
1. Quinoa soðið og kælt. Alltaf 1 af quinoa á móti 2 af vatni, þannig t.d. 1 bolli quinoa á móti 2 bollum af vatni. Skolið quinoa, setjið í pott, setjið vatn út á og látið suðuna koma upp, lækkið þá niður í lágan hita og látið malla með loki í 15 mín eða þangað til að vökvinn er farinn. Geymist í ísskáp í ca 5 daga.
2. Öllu skellt í krukku eða annað ílát, hrært saman.
3. Geymt í lokuðu íláti í ísskáp yfir nóttu.

Skammtastærð: Samkvæmt uppskrift, jafnvel hægt að bæta við nokkrum hnetum eða auka hentu/möndlusmjöri næsta dag. Einnig hægt að fá sér sem millimál.

Hafraklattar

Aftur í yfirlit

* Bakað samdægurs eða gert kvöldinu áður

Innihald:
- 3 bananar (ca 330 gr maukaðir með gaffli)
- 4 eggjahvítur (1 og ¾ dl úr flösku) (eða 2 egg + 1 hvíta eða 2 hvítur + 1 egg)
- 2 bollar grófir hafrar (tröllahafrar)
- ¼ bolli chia fræ
- 6 döðlur (ca 40 gr skorið í litla bita)
- 1 tsk vanillu dropar (eða ½ tsk vanilluduft)

Aðferð:
1. Ofn stilltur á 200 gráður blástur
2. Í skál er bönunum og eggjahvítum hrært saman með gaffli í c.a. 1-2 mín
3. Bætt við höfrum og hrært með gaffli
4. Bætt við chia fræjum og hrært með gaffli
5. Bætt við döðlum og hrært með gaffli
6. Bætt við vanilludropum eða dufti og hrært
7. Bökunarpappír settur í form eða eldfast mót (mæli með stóra glermótinu úr IKEA)
8. Bakað á 200 gráðum blástur í 20 mín
9. Skorið í ca. 12 klatta

Tips: Gera nokkra skammta fyrirfram. Skera og setja í kælipoka og inn í frysti. Ekkert mál að grípa svo með sér um morguninn, skella í öbbann og setja svo möndlusmjör á heitan klatta.

Skammtastærð: Ca tveir klattar og 1 msk af möndlu eða hnetursmjöri. Jafnvel hægt að fá sér aukalega einn ávöxt eða skyr (ef svengdin er mikil). Einnig hægt að fá sér sem millimál.

Banana, avocado, mangó boozt (með prótein)

Aftur í yfirlit

* Gert um morguninn

Innihald:
- 1 lítið avocado
- 1/2 meðalstór banani
- 1/4 bolli frosið mango
- 1/2-1 bolli vatn
- 1 skammtur af vanillu prótein (sjá aftaná pakkningunni 1 serving size) (má sleppa)

Aðferð:

1. Öllu hrært saman í blandar/nutribullet. Hægt að bæta við klaka og meira vatni. Einnig hægt að fá sér sem millimál.

Banana- og bláberjapannsa

Aftur í yfirlit

* Gert um morguninn

Innihald:
- 1/2 vel þroskaður banani
- 1 dl af bláberjum (sirka ein lúka)
-  1 egg (ef eggin eru mjög lítil er gott að setja tvö egg eða taka hvítuna úr seinna egginu og bæta við) 
-  ½ dl grófir hafrar (tröllahafrar)
-  1 tsk af kanil 
- Kókosmjöl eftir smekk 

Aðferð:
1. Banani stappaður í skál með gaffli (haltu áfram að nota þennan gaffal til að hræra öllu saman) 
2. Eggjum bætt við og hrært lítillega saman við 
3. Kanil bætt við og hrært lítillega saman við
4. Bláber sett síðast - gott að miða við eina lúku
5. Allt hrært vel saman með gafflinum þar til blandan er orðin þétt
6. Panna hituð á meðalhita
7. Olía (OLIFA steikingarolía hentar mjög vel t.d.) eða smá smjör sett á pönnuna
8. Hellið deiginu á í þá stærð af pönnukökum sem þú vilt. 
9. Steikja þar til hliðin sem snýr upp er farin að búbbla og snúa þá við. 

Skammtastærð: Gott að borða með ca. 1-2 tsk af hnetusmjöri og smyrja það yfir. Það er líka gott að nota þessar sem hádegismat og bæta við jarðaberjum ofan á eftir steikingu.

Bananasplitt boozt (með próteini)

Aftur í yfirlit

* Gert um morguninn

Innihald:
- 1 lítil Ísey hreint skyr (eða 2 msk af hreinu skyri/grískri jógúrt) (má vera vanilluskyr einnig)
- 1/2 - 1 banani (fer eftir stærð)
- 1/4 dl af tröllahöfrum
- 1 msk kókos (má minnka eða stækka eftir smekk)
- 1 skammtur af súkkulaði prótein (sjá aftan á pakkningunni 1 serving size) (má sleppa)
- Klakar eftir smekk 

Aðferð:
1. Allt sett saman í blandara/Nutribullet og hellt í glas. Þetta er einnig frábært millimál.

Kaldur hafragrautur

Aftur í yfirlit

* Gert daginn áður

Innihald:
- 40 g haframjöl (Hægt að gera til helminga venjulega- og tröllahafra)
- 3 dl vatn
- Meðlæti að eigin vali t.d.: rúsínur, kanill, kókosmjöl, hnetusmjör, möndlusmjör, chia fræ, banani, epli, hnetur o.fl.

Aðferð:
1. Hafrarnir settir í pott ásamt vatninu
2. Láta malla þar til grauturinn er orðinn þykkur (eða eftir smekk).
3. Grauturinn færður yfir í nestisbox og skreyttur með meðlæti að eigin vali.

Orkumikið boozt

Aftur í yfirlit

* Gert um morguninn

Innihald:
- 1/4 avocado (1/2 ef þetta eru lítil) 
- 1 banani (best að hafa hann vel þroskaðann)
- 1 Hámark eða Hleðsla
- 1 Weetabix kubbur
- Klakar að vild

Aðferð:
1. Allt sett saman í blandara/Nutribullet og hellt í glas. 

Væmið og krúttlegt morgunboozt

Aftur í yfirlit

* Gert um morguninn

Innihald:
- Lúka af frosnum hindberjum
- Hálfur til heill banani
- Lítil dós af vanilluskyri
- Mjólk eftir smekk (eða smá vatn) 
- Klakar eftir smekk

Aðferð:
1. Allt sett í blandara og blandað þar til áferðin er orðin að þínu skapi. 

Próteinsjeik
Aftur í yfirlit

* Gert um morguninn

Innihald:
- 1 skeið súkkulaðiprótein // súkkulaði hnetusmjörsprótein
- 3 kúptar matskeiðar vanillu Ísey skyr
- 1/2 frosinn banani
- 4 frosin jarðaber
- Lúka frosin hindber
- Vatn (hversu mikið fer eftir því hversu þykkan sjeik þú vilt passa bara að hafa það ekki of lítið)
- 4 stórir klakar

Aðferð:
1. Allt sett saman í blandara/Nutribullet og hellt í glas. Þetta er einnig frábært millimál.

Tropical boozt

Aftur í yfirlit

* Gert um morguninn

Innihald:
- 1 lúka af mangó
- 1 lúka af ananas
- 1/2 pera
- lítil dós af bananaskyri
- 2 tsk kókos
- klakar að vild og örlítið vatn með

Aðferð:
1. Allt sett í blandara og blandað þar til áferðin er orðin að þínu skapi. Weetabix kubbur gengur líka hér ef þú vilt gera þetta matarmeira. 

Hámark og weetabix

Aftur í yfirlit

* Gert um morguninn

Innihald:
- 1 Hámark
- 2 weetabix kubbar
- 1 msk rúsínur

Aðferð:
1. Sett saman í skál. Gott að stappa aðeins í Weetabixinu svo það drekki betur í sig Hámarkið. Best að borða það strax.

Grískt jógúrt með súkkulaði, ferskjum og grænu epli

Aftur í yfirlit

* Gert um morguninn

Innihald:
- Súkkulaði og ferskju grískt jógurt
- 1/2-1 stk grænt epli

Aðferð:
1. Skerið eplið í litla bita og blandið saman við jógúrtið. Hægt er að setja chia fræ út í og leyfa þeim að bólgna ef vill.

Hollustu bananapönnsur með kanil

Aftur í yfirlit

* Gert um morguninn

Innihald:
- 1 banani
- 1 egg
- 20 g tröllahafrar
- Kanill eftir smekk

Aðferð:
1. Bananinn er maukaður eða settur í blender glas ásamt hinum hráefnunum. 
2. Hitið pönnu með smá olíu eða cooking sprey (þá kemur ekki olíu bragð af pönnukökunni)
3. Þið ættuð að ná að gera 3 miðlungs pönnukökur.
4. Skreytið pönnukökurnar með hnetusmjöri, hunangi eða berjum og sem spari Nutella.

Skyr með haframjöli

Aftur í yfirlit

* Gert um morguninn

Innihald:
- Lítil skyrdós
- 1 dl hafrar
- 1 msk rúsínur eða döðlur
- 1/2 tsk chia fræ
- Skvetta af akasíuhunangi

Aðferð:
1. Allt sett saman í skál.

Næturgrautur ala FitbySigrún

Aftur í yfirlit

Innihald:
- 30-40gr hafrar (ca 1 dl) 
- 10 gr chia fræ (ca 1 msk) 
- 100 gr Örnu grískt jógúrt með bragði (um 3-4 msk) eða skyr með bragði  
- 100-200 gr mjólk (um 1-2 dl) 

Aðferð:
1. Öllu hrært saman í lokuðu ílàti og sett í ísskáp yfir nóttu. 
2. Gæti verið gott að skella smá döðlum með eða frosnum ávöxtum eins og hinddber. Ef þú ætlar að bæta við ferskum ávöxtum að gera það að morgni til.

Eldsnöggt keypt í næstu matvörubúð

Aftur í yfirlit

Innihald:
- 1 grískt jógúrt eða skyr með múslí og 1 banani 
- 1 skyr, ca 1 msk af möndlu- eða hnetusmjöri blandað saman við skyrið og 1 banani (hluti gæti verið sneiddur út í skyrið) 
- 1 hámark/hleðsla og 1 banani
- Banani + möndusmjör/hnetusmjör og hleðsla/hámark 
- Ab mjólk/skyr/grískt jógúrt, smá möndlu- eða hnetusmjör og múslí/cherrios/albran 

Hafrapannsa fyrir álegg

Aftur í yfirlit

Létt Ab mix með kornflexi

Aftur í yfirlit

* Gert um morguninn

Innihald:
- Kornflex
- Létt Ab
- Rúsínur

Aðferð:
1. Allt sett saman í skál. Ef maður vill gera þetta smá spari hægt að setja hunangsþurrkaða banana.

Næturgrautur með Hleðslu

Aftur í yfirlit

Innihald:
- 40 gr hafrar (1 dl)
- 10 gr chia (1 msk)
- 1/2 Hleðsla 

Aðferð:
1. Gott að gera tvo í einu til að nota eina Hleðslu.
2. Hræra saman og setja inn í ísskáp

Grautarboozt

Aftur í yfirlit

Innihald:
- 1/2-1 banani
- 1/2 bolli trölla hafrar (eða 2dl hafrar ef þú vilt hafa hann matarmeiri)
- 1 kúfuð msk möndlusmjör eða hnetusmjör
- Salted caramel protein (valkvæmt)
- 200-300ml möndlu- eða kókosmjólk
- Klakar

Aðferð:
1. Breyttu grautnum þínum í boozt!
2. Allt sett í blandara.