HIT - 4 vikna námskeið (hefst 14. september)

HIT - 4 vikna námskeið (hefst 14. september)

Verð
Uppselt
Útsöluverð
20.990 kr
Skattur innifalinn Sendingarkostnaður reiknaður við staðfestingu.
Magn verður að vera 1 eða meira

MEÐ ÞVÍ AÐ SKRÁ ÞIG Á ÞETTA NÁMSKEIÐ SAMÞYKKIR ÞÚ EFTIRFARANDI SKILMÁLA OG PERSÓNUVERNDARSTEFNU.

HIT er 4 vikna námskeið kennt á mánudögum, miðvikudögum og fimmtudögum í Kvennastyrk á Strandgötu 33, 220 Hafnarfirði. Það eru fjórir hópar í boði; kl. 6:50-7:35, kl. 8:30-9:15 (blandaður hópur - kríli mega koma með), kl. 12:00-12:45 og kl. 19:15-20.  Tíminn er 45 mín.

Lágmarksskráning er 7 fyrir hvern tíma. Hámarksskráning er 12 sökum Covid. Ef ekki næst lágmarksskráning verður þér boðinn annar tími á tímabilinu eða endurgreiðsla. Sökum Covid er ekki hægt að hoppa á milli tíma.

Um tímann

HIT stendur fyrir High Intensity Training eða þjálfun með meiri ákefð þar sem unnið er með þol og styrk þar sem púlsinn er keyrður upp og tekin hæfileg hvíld á milli eftir því hvernig æfingin er uppsett. Eins og allir tímar í Kvennastyrk er lögð áhersla á að passa sem best upp á líkamann þannig að hver og ein fær útfærslur af æfingum sem henta sínum líkama þegar við á. Ófrískar eru velkomnar í tímann og fá sér útgáfu af æfingum þegar við á. Ekki er mælt með að æfa af fullri ákefð á meðgöngunni og er því fylgst vel með þér á æfingum. Mæður í fæðingarorlofi eru einnig velkomnar í tímann án barns (ekki er mælt með að æfa af fullri ákefð þegar þú byrjar að hreyfa þig aftur eftir fæðingu og er því fylgst með þér á æfingum).

Unnið er með allskonar útfærslur af tímanum, t.d. AMRAP (þá eru nokkrar æfingar teknar í einu á ákveðnum tíma), EMOM (þá er æfing eða nokkrar æfingar saman kláraðar á mínútu og síðan hvílt restina af mínútunni áður en æfingin er endurtekin) og Interval training (eða lotuþjálfun þar sem unnið er á sérstökum tíma, t.d. 30 eða 40 sek  og síðan hvílt í t.d. 10 eða 15 sek á milli æfinga). Þau æfingatæki sem notast er mest við eru handlóð, ketilbjöllur, slam ball, wall ball, assault bike (og/eða annað þrektæki eins og róðravél, hjól eða hlaupabretti) og mini bands teygjur. Hver tími er 45 mínútur og er kenndur á mánudögum, miðvikudögum og fimmtudögum kl. 6:50-7:35, 8:15-9:00 12:00-12:45 og 19:15-20:00. Tíminn sem er kl. 8:15-9:00 verður blandaðu og eru kríli velkomin með til að koma til móts við sem flestar konur. Á mánudögum er lögð áhersla á allan líkamann, miðvikudögum á efri líkamann og fimmtudögum á neðri líkamann. 

Fyrir hvern er þetta námskeið

Þetta námskeið er hugsað fyrir þær sem eru vanar að æfa, eru með góða líkamsvitund og finnst gott að taka á því.

Þjálfari námskeiðs

Þjálfari námskeiðs er Sigrún María Hákonardóttir sérhæfður meðgöngu- og mömmuþjálfari og eigandi Kvennastyrks. Nánar um Sigrúnu hér. Með þjálfari er Sólveig Helga Hákonardóttir, einkaþjálfari og fyrsti meðgöngu- og mömmuþjálfari undir æfingakerfi FitbySigrún. 

Verð

Stakt námskeið sem er frá 14. september - 11. október er á kr. 20.990,-. ATH þessu námskeiði fylgir ekki aðgangur að líkamsræktinni nema á námskeiðstíma. Hægt er að bæta við 4 vikna líkamsræktaraðgang þannig að þú getir mætt á milli námskeiðstíma á kr. 3.990,- 

Skráning

Þú skráir þig með því að velja tímasetningu sem hentar þér best í fellilistanum (það er í boði að hoppa á milli tíma en að skrá þig í þann tíma sem þú kemst oftast í). Setur síðan vöru í körfu. Á laugardeginum áður en námskeiðið hefst færðu tölvupóst til áminningar um námskeiðið. Lágmarksskráning er 7 fyrir hvern tíma. Ef ekki næst lágmarksskráning verður þér boðinn annar tími á tímabilinu eða endurgreiðsla.

Kvittun

Þú færð staðfestingarpóst frá FitbySigrún sem staðfestir kaupin og kvittun frá Korta sem staðfestir greiðslu. Ef þú vilt fá kvittun fyrir stéttarfélagið verður þú að senda póst á info@fitbysigrun.com og óska eftir því. Kennitala verður að fylgja með í tölvupóstinum svo hægt sé að útbúa fullnægjandi kvittun.

MEÐ ÞVÍ AÐ SKRÁ ÞIG Á ÞETTA NÁMSKEIÐ SAMÞYKKIR ÞÚ EFTIRFARANDI SKILMÁLA OG PERSÓNUVERNDARSTEFNU.