Kynntu þér Kvennastyrk

Meðgöngu- og mömmuþjálfun (hefst 18. janúar)

Meðgöngu- og mömmuþjálfun (hefst 18. janúar)

Verð
19.990 kr
Útsöluverð
19.990 kr
Skattur innifalinn Sendingarkostnaður reiknaður við staðfestingu.
Magn verður að vera 1 eða meira

MEÐ ÞVÍ AÐ SKRÁ ÞIG Á ÞETTA NÁMSKEIÐ SAMÞYKKIR ÞÚ EFTIRFARANDI 

Það eru tveir meðgöngu- og mömmutímar í boði, annars vegar MM-Basic og hinsvegar MM-FIT. Hvert námskeið er í 4 vikur í Kvennastyrk á Strandgötu 33, 220 Hafnarfirði..

MM-Basic er kennt 2x í viku á þriðjudögum og föstudögum kl. 9:30-10:30 og kl. 10:40-11:40 

MM-FIT er kennt 3x í viku á mánudögum, miðvikudögum og fimmtudögum kl. 9:30-10:30, 10:40-11:40, 13:10-14:10.

Tíminn er allt að 60 mín.

Hámarksskráning er 12 sökum Covid. ATH ÞAÐ ERU SÉRSTAKAR RÁÐSTAFANIR ÚT AF COVID. Grímuskylda þar til þú kemst í þitt "pláss". Aðstaðan hefur verið skipt niður í 12 mismunandi pláss þar sem þú færð þín tæki/tól á meðan á æfingu stendur. Grímuskylda ef þú ferð út fyrir plássið þitt. Ekki er heimilt að nota búnings- og sturtuaðstöðu nema til þess að fara á salernið og nota skiptiaðstöðuna. Frekari ráðstafanir verða kynntar með upplýsingapósti áður en námskeið hefst.

Um tímann

MM-BASIC er vægari útgáfa af MM-FIT tímunum þar sem lögð er meiri áhersla á grunnstyrktaræfingar, hreyfiteygjur og bandvefslosun. Styrktar- og þolæfingin er styttri heldur en í MM-FIT tímanum. Lagt er upp með að kenna rétta líkamsbeitingu í ýmsum æfingum og kenna konum á þær breytingar sem hafa átt sér stað á meðgöngunni og eftir fæðingu. Sérstök áhersla er lögð á að kenna grindarbotnsæfingar og að nýta sér grindarbotnsvöðva og djúpvöðva kviðs í æfingum. Eins og allir tímar í Kvennastyrk er lögð áhersla á að passa sem best upp á líkamann þannig að hver og ein fær útfærslur af æfingum sem henta sínum líkama þegar við á. Vegna covid takmarkanir er hver og ein á sinni stöð með sín æfngatæki á meðan á tímanum stendur. 

MM-FIT er ætlaður ófrískum konum og konum í fæðingarorlofi þar sem kríli eru velkomin með í tíma. Áhersla er alltaf lögð á grunnstyrk og er byggt ofan á það en tíminn er af meiri ákefð heldur en MM-Basic. Lögð er áhersla á að kenna rétta líkamsbeitingu og að kenna konum á grindarbotns- og kviðvöðvana í æfingum. Unnið er með allskonar útfærslur af tímanum, t.d. AMRAP (þá eru nokkrar æfingar teknar í einu á ákveðnum tíma), EMOM (þá er æfing eða nokkrar æfingar saman kláraðar á mínútu og síðan hvílt restina af mínútunni áður en æfingin er endurtekin) og Interval training (eða lotuþjálfun þar sem unnið er á sérstökum tíma, t.d. 30 eða 40 sek og síðan hvílt í t.d. 10 eða 15 sek á milli æfinga). Vegna covid takmarkanir er hver og ein á sinni stöð með sín æfngatæki á meðan á tímanum stendur. 

Fyrir hvern er þetta námskeið

MM-Basic er hugsað fyrir konur sem eru að byrja aftur eftir fæðingu, vilja taka rólegri æfingu eða eru verkjaðar. MM-FIT er hugsað fyrir þær sem voru vanar að hreyfa sig á meðgöngunni og fyrir meðgöngu eða þær sem hafa lokið MM-Basic eða annað sambærilegt námskeið. Mælt er með að gefa líkamanum amk 6 vikur til að jafna sig eftir fæðingu. Hægt er að hefja þjálfun á hvaða tímapunkti meðgöngunnar sem er svo lengi sem þú hafir ekki fengið læknisráð að mega ekki hreyfa þig.

Þjálfari námskeiðs

Þjálfari námskeiðs er Sigrún María Hákonardóttir sérhæfður meðgöngu- og mömmuþjálfari og eigandi Kvennastyrks. Nánar um Sigrúnu hér.

Verð

Stakt MM-Basic námskeið kennt 2x í viku í 4 vikur er á kr. 19.990,-. Stakt MM-FIT námskeið kennt 3x í viku í 4 vikur er á 24.990.

Skráning

Þú skráir þig með því að velja tímasetningu sem hentar þér best í fellilistanum og setur síðan vöru í körfu. Ef þú vilt vera skráð í áskrift getur þú óskað eftir því í persónu eða með tölvupósti og ferð þá í áskriftarkerfið hjá Kvennastyrk sem er í gegnum Reglu bókhaldskerfi.

Kvittun

Þú færð staðfestingarpóst frá FitbySigrún sem staðfestir kaupin og kvittun frá Korta sem staðfestir greiðslu. Ef þú vilt fá kvittun fyrir stéttarfélagið verður þú að senda póst á info@fitbysigrun.com og óska eftir því (nema þú sért skráð í áskrift þá færðu sjálfkrafa kvittun senda fyrir hvert tímabil). Kennitala verður að fylgja með í tölvupóstinum svo hægt sé að útbúa fullnægjandi kvittun.

MEÐ ÞVÍ AÐ SKRÁ ÞIG Á ÞETTA NÁMSKEIÐ SAMÞYKKIR ÞÚ EFTIRFARANDI 

SKILMÁLA OG PERSÓNUVERNDARSTEFNU.