Vöruflokkur: MGT Mömmur

ATH það er fullt á öll námskeið en losnar í staka tíma vikulega. Ef þú hefur áhuga á næstu námskeið má skrá sig á biðlista fyrir námskeið. Allar nánari upplýsingar má lesa undir 'Skráning'.

MGT Mömmur er hópþjálfun 3x í viku, 4 vikur í senn, byggð á æfingakerfi eftir FitbySigrún og Birki Vagn, sem er sérstaklega sniðið að konum eftir barnsburð. 

MGT stendur fyrir Metcon Group Training og er þekkt sem krefjandi og skemmtileg hópþjálfun. MGT Mömmur leggur sérstaka áherslu á að vinna með grindarbotnsvöðva, djúpvöðva kviðs, mjaðmasvæðið og stuðla að góðri líkamsstöðu. MGT Mömmur er fyrir allar konur sem hafa gengið með barn og vilja læra að styrkja grindarbotnsvöðva og djúpvöðva kviðs í öllum æfingum óháð því hvað það er langt frá fæðingu. Velkomið að mæta með eða án kríla. Það er einstaklingsbundið hvenær konur treysta sér til að hefja styrktar- og þolþjálfun eftir fæðingu. Ekki er mælt með að hefja MGT Mömmur fyrr en í fyrsta lagi 6 vikum eftir fæðingu.

Markmið námskeiðs

Markmið með MGT Mömmur er að bjóða upp á skemmtilega og krefjandi þjálfun án vandkvæða eins og þvagleka, útbungun í miðlínu kviðs og mjóbaks- og grindarverki. Þessu markmiði er náð með því að:

  • Kenna sérstaka öndunartækni við að virkja og slaka á grindarbotnsvöðvum og djúpvöðvum kviðs í æfingum
  • Fara vel yfir líkamsbeitingu í öllum æfingum
  • Setja fyrir viðeigandi útfærslur af æfingum eftir aðstæðum

*Þjálfun eftir fæðingu getur verið mjög einstaklingsbundin og er því passað upp á að hver og ein fari á sínum hraða, fylgi útfærslum af æfingum sem eru tímabærar og með viðeigandi þyngdir/ákefð. Það getur komið upp að þjálfari meti að leita skuli til sérhæfðs sjúkraþjálfara samhliða þjálfun.*

Þjálfari námskeiðs

Þjálfari námskeiðs er Sigrún Hákonardóttir, sérhæfður meðgöngu- og mömmuþjálfari

Staðsetning námskeiðs

Námskeiðið er kennt í G-Fit Heilsurækt, Kirkjulundi 19, 210 Garðabær

Tímasetning námskeiðs

Næsta námskeið byrjar þriðjudaginn 29. október. Það eru tveir hópar, annar kl 9:15-10:15 þriðjudaga og fimmtudaga og hinn kl. 10:20-11:20 þriðjudaga og fimmtudaga. Það er opinn tími alla laugardaga fyrir báða hópana frá 11:15-13:15. Kríli eru velkomin með í alla tímana.

  • Þriðjudagar: Áhersla á efri líkamann
  • Fimmtudagar: Áhersla á neðri líkamann
  • Laugardagar: Áhersla á allan líkamann og tækifæri til þess að fá ástandsmat á kviðvöðvum. Óhefðbundin hópþjálfunartími þar sem þú mætir þegar þér hentar á milli 11:15-13:15 og tekur æfingu dagsins (ath hægt að taka æfingu fram að kl. 13:15).

Skráning

Þú skráir þig hér að neðan með því að smella á vöruna, setja hana í körfu og klára greiðsluferlið.

Þær sem eru skráðar á námskeið fá forgang á næstu námskeið. Þú getur skráð þig á biðlista á námskeið með því að fylla út þetta form hér. Þegar losnar pláss (annaðhvort forföll eða losnar á næsta námskeið) færðu sendan tölvupóst með hlekk að skráningarsíðu, ef plássið er ekki nýtt á sólarhring er það sent á næsta aðila á biðlista.

Biðlisti á námskeið

Verð

4 vikna tímabil er á kr. 19.900,-

Stakur tími er á kr. 2.500,- (ath ástandsmat á kviðvöðvum er aðeins innifalið ef mætt er í amk þrjá tíma).

Skilmálar

Með því að skrá þig á námskeið samþykkir þú eftirfarandi skilmála (smelltu hér).

  • STAKUR TÍMI laugardaginn 23. nóvember milli kl. 11:15-13:15
    Verð
    Uppselt
    Útsöluverð
    2.500 kr