Skilmálar

Kaup á æfingaplani, fjarþjálfun, námskeiði og vöru hjá FitbySigrún ehf. er háð eftirfarandi skilmálum. Kaupendur eru hvattir til þess að skoða skilmálana vandlega áður en þeir leggja inn greiðslu.

Með því að kaupa æfingaplan, fjarþjálfun einkatíma eða námskeið ertu að samþykkja að frýja Sigrúnu María Hákonardóttur, FitbySigrún ehf, www.fitbysigrun.com allri ábyrgð ef þú skyldir slasa þig á æfingu. FitbySigrún ehf. ber ekki ábyrgð á neinum meiðslum sem gætu átt sér stað á meðan á æfingum stendur. Þar sem Sigrún er ekki á staðnum til þess að gæta þess að æfingar séu gerðar réttar fylgir myndband af öllum æfingum (í flestum tilfellum með skriflegri lýsingu á því hvernig eigi að framkvæma æfinguna). Ef þú kaupir æfingaplan eða fjarþjálfun og ert óviss um hvernig eigi að framkvæma einhverja æfingu eftir að hafa séð myndbandið og lesið skriflegu lýsinguna af æfingunni (þegar við á), sendu þá tölvupóst á info@fitbysigrun.com til þess að fá nánari skýringu eða ráðfærðu þig við færan einkaþjálfara sem getur leiðbeint þér með rétta tækni. Ef þú ert með einhverja sögu af meiðslum eða öðrum læknisvandamálum skalt þú ráðfæra þig við lækni til að tryggja að þú getir fylgt æfingaplani eða fjarþjálfun. Ekki er mælt með æfingarplani og fjarþjálfun ef þú ert ekki við góða heilsu og hefur ekki stundað líkamsrækt áður. Með því að greiða fyrir FitbySigrún ehf. æfingaplan, fjarþjálfun einkatíma eða á námskeið ert þú að ábyrgjast að þú sért lögráða (eða hefur leyfi foreldra til þess að kaupa þetta æfingaplan) og ert að samþykkja þessa skilmála. 

FitbySigrún ehf. tryggir ekki árangur af æfingaplani, fjarþjálfun eða efni sem fram kemur í einkatímum og á námskeiðum.

Höfundaréttur

FitbySigrún ehf. er höfundur af öllu efni sem fram kemur í æfingarplani (uppsetningu æfinga, myndböndum, lýsingum á æfingum og öðru efni sem fylgir), námskeiði (uppsetningu, leiðbeiningu og öðru efni sem fylgir), einkatíma (uppsetningu, leiðbeiningu og öðru efni sem fylgir) og fjarþjálfun (uppsetningu æfinga, myndböndum, lýsingum á æfingum og öðru efni sem fylgir). FitbySigrún ehf. er hönnuður af þeim vörum sem eru í sölu. Höfundaréttur er áskilinn á öllu sem FitbySigrún ehf. æfingaplan, einkatími, námskeið og fjarþjálfun hefur að geyma. Hvert æfingaplan, pláss í einkatíma, pláss á námskeið og í fjarþjálfun er ætlað sölu til einstaklinga. Það er aðeins ætlað til persónulegra nota og má ekki undir neinum kringumstæðum deila, birta eða dreifa til annarra án skriflegs leyfis í tölvupósti frá FitbySigrún ehf.: info@fitbysigrun.com.

Greiðslur og sendingarmáti

Æfingarplön, skráning á námskeið, skáning í einkatíma, skráning í fjarþjálfun og vörur eru greidd í ISK. Verð getur breyst án fyrirvara. Allar greiðslur berast FitbySigrún (FitbySigrún ehf. Kt. 510119-0960, VSK nr. 133555) og eru gerðar í gegnum greiðsluþjónustu Korta (Kortaþjónustan hf. Kt. 430602-3650). Nánari upplýsingar um þeirra skilmála má finna á www.korta.is. Þegar greiðsla hefur borist fær kaupandi sendan tölvupóst með staðfestingu frá Korta og FitbySigrún. Ef vara er keypt er hægt að fá hana senda á næsta pósthús eða með heimsending í gegnum þjónustu Póstsins. Afgreiðsla sendinga þegar sótt er á næsta pósthús er um 4-5 virka daga og um 2-3 virka daga þegar um heimsendingu er að ræða.  Nánari upplýsingar má finna inn á www.postur.is (pakki pósthús eða pakki heim).

Skilaréttur og endurgreiðsla

Eftir að æfingaplan hefur verið greitt er ekki hægt að fá endurgreitt. Hægt er að fá endurgreitt fyrir skráningu í fjarþjálfun, á námskeið og í einkatíma 48 tímum áður en fjarþjálfunin, námskeiðið eða einkatíminn hefst. Hægt er að fá endurgreitt fyrir vöru, gefið að varan er í upprunalegu ástandi, innan við 14 daga frá því að varan var keypt. Til þess að óska eftir endurgreiðslu skal senda tölvupóst á info@fitbysigrun.com með nafn, kennitölu og ástæðu fyrir skilum.