Skilmálar

Kaup á æfingaplani, einkatíma, námskeiði, fjarþjálfun, hugleiðslupakka og vöru hjá FitbySigrún ehf. er háð eftirfarandi skilmálum. Kaupendur eru hvattir til þess að skoða skilmálana vandlega áður en þeir leggja inn greiðslu.

Með því að kaupa æfingaplan, einkatíma, námskeið eða fjarþjálfun ertu að samþykkja að frýja Sigrúnu María Hákonardóttur, FitbySigrún ehf, www.fitbysigrun.com allri ábyrgð ef þú skyldir slasa þig á æfingu. FitbySigrún ehf. ber ekki ábyrgð á neinum meiðslum sem gætu átt sér stað á meðan á æfingum stendur. Þegar keypt er æfingaplan eða fjarþjálfun er Sigrún ekki á staðnum til þess að gæta þess að æfingar séu gerðar réttar og fylgir því myndband af öllum æfingum (í flestum tilfellum með skriflegri lýsingu á því hvernig eigi að framkvæma æfinguna. Ef þú kaupir æfingaplan eða fjarþjálfun og ert óviss um hvernig eigi að framkvæma einhverja æfingu eftir að hafa séð myndbandið og lesið skriflegu lýsinguna af æfingunni (þegar við á), sendu þá tölvupóst á info@fitbysigrun.com til þess að fá nánari skýringu eða ráðfærðu þig við færan einkaþjálfara sem getur leiðbeint þér með rétta tækni. Í öllum æfingum er mikilvægt að þú hlustir alltaf á líkamann og hættir æfingunni eða látir vita ef einhver æfing er óþægileg, meiðir og/eða hentar ekki. Ef þú ert með einhverja sögu af meiðslum eða öðrum læknisvandamálum skalt þú ráðfæra þig við lækni til að tryggja að þú getir fylgt æfingaplani eða fjarþjálfun. Ekki er mælt með æfingarplani og fjarþjálfun ef þú ert ekki við góða heilsu og hefur ekki stundað líkamsrækt áður. Með því að greiða fyrir FitbySigrún ehf. æfingaplan, fjarþjálfun, einkatíma, á námskeið, í hugleiðslupakkann eða vöru ert þú að ábyrgjast að þú sért lögráða eða að þú hafir leyfi frá forráðamanni til þess að leggja inn greiðslu og ert að samþykkja þessa skilmála.

FitbySigrún ehf. tryggir ekki árangur af æfingaplani, fjarþjálfun, einkatímum, námskeiðum og/eða hugleiðslupakkanum. FitbySigrún ehf. tryggir ekki styrkingu á kvið- og grindarbotnssvæðinu, þyngdartap/fitutap, meira þol eða meiri styrk eftir fæðingu strax. FitbySigrún ehf. tryggir ekki árangur af hugleiðslu strax. Árangur tekur tíma og fer eftir því hversu vel/oft þú fylgir plani eða hversu vel/oft þú mætir í tíma, á hve löngum tíma og hvort þú fylgir hollu matarræði samhliða æfingaplani, fjarþjálfun og námskeiðum. Ef ekki er fylgt plani eða mætt í tíma ert þú ekki að fara fá útúr þjálfun eins og er ætlast til. Að tileinka sér það sem FitbySigrún ehf. leggur upp með tekur tíma.

Persónuupplýsingar (nafn, tölvupóstfang, heimilisfang og sími) eru geymdar á innra vef og er hægt að nálgast undir mínu svæði. Persónuupplýsingar eru fengnar með þeim tilgangi að afgreiða keypta þjónustu eða vöru. Þegar þú kaupir vöru eða þjónustu á www.fitbysigrun.com ertu að samþykkja að persónuupplýsingum er deilt með Korta í þeim tilgangi að ganga frá greiðslunni. Þegar þú skráir þig í fjarþjálfun ertu að samþykkja að vera skráð á póstlista til þess að geta fengið æfingu dagsins senda í pósthólfið. Þegar vara er keypt ertu að samþykkja að persónuupplýsingum er deilt með Póstinum í þeim tilgangi að afgreiða vöruna. Ef óskað er eftir því að eyða persónuuplýsingum vinsamlegast sendu beiðni þess efnis á info@fitbysigrun.com.

Höfundaréttur

FitbySigrún ehf. er höfundur af öllu efni sem fram kemur í æfingarplani (uppsetningu æfinga, myndböndum, lýsingum á æfingum og öðru efni sem fylgir), námskeiði (uppsetningu, leiðbeiningu og öðru efni sem fylgir), einkatíma (uppsetningu, leiðbeiningu og öðru efni sem fylgir), fjarþjálfun (uppsetningu æfinga, myndböndum, lýsingum á æfingum og öðru efni sem fylgir) og hugleiðslupakka (uppsetningu æfinga, upptökur og öðru efni sem fylgir). FitbySigrún ehf. er hönnuður af þeim vörum sem eru í sölu. Höfundaréttur er áskilinn á öllu sem FitbySigrún ehf. æfingaplan, einkatími, námskeið, fjarþjálfun og hugleiðslupakki hefur að geyma. Hvert æfingaplan, pláss í einkatíma, pláss á námskeið, í fjarþjálfun og í hugleiðslupakka er ætlað sölu til einstaklinga. Það er aðeins ætlað til persónulegra nota og má ekki undir neinum kringumstæðum deila, birta eða dreifa til annarra án leyfis.

Greiðslur og sendingarmáti

Æfingarplön, skráning á námskeið, skáning í einkatíma, skráning í fjarþjálfun og vörur eru greidd í ISK. Verð getur breyst án fyrirvara. Allar greiðslur berast FitbySigrún (FitbySigrún ehf. Kt. 510119-0960, VSK nr. 133555) og eru gerðar í gegnum greiðsluþjónustu Korta (Kortaþjónustan hf. Kt. 430602-3650). Nánari upplýsingar um þeirra skilmála má finna á www.korta.is (athuga að persónuupplýsingum sem tengjast geriðslu á vöru eru deildar með Korta til þess að greiðsla geti átt sér stað). Þegar greiðsla hefur borist fær kaupandi sendan tölvupóst með staðfestingu frá Korta og FitbySigrún.  Ef vara er keypt er hægt að fá hana senda á næsta pósthús (gegn greiðslu) eða með heimsendingu (gegn greiðslu) í gegnum þjónustu Póstsins (athuga að persónuupplýsingar sem tengjast sendingunni eru deildar með Póstinum þannig að varan geti verið afgreidd). Afgreiðsla sendinga þegar sótt er á næsta pósthús er um 4-5 virka daga og um 2-3 virka daga þegar um heimsendingu er að ræða. Nánari upplýsingar má finna inn á www.postur.is (pakki pósthús eða pakki heim).

Skilaréttur og endurgreiðsla

Eftir að æfingaplan hefur verið greitt er ekki hægt að fá endurgreitt. Hægt er að fá endurgreitt fyrir skráningu í fjarþjálfun, á námskeið, í einkatíma og hugleiðslupakkann 48 tímum áður en fjarþjálfunin, námskeiðið, einkatíminn eða hugleiðslpakkinn hefst. Eftir að námskeið hefst er ekki hægt að flytja námskeið yfir á annað tímabil. Eftir að fjarþjálfun eða hugleiðslupakkinn hefst er hægt að flytja aðgang yfir á nýtt tímabil eða lengja aðganginn um tímabundinn tíma. Hægt er að fá endurgreitt fyrir vöru, gefið að varan er í upprunalegu ástandi, innan við 14 daga frá því að varan var keypt. Til þess að óska eftir endurgreiðslu skal senda tölvupóst á info@fitbysigrun.com með nafn, kennitölu, reikningsnúmeri og ástæðu fyrir skilum.