Um Kvennastyrk

Kvennastyrkur er líkamsræktarstöð fyrir konur á Strandgötu 33 í Hafnarfirði þar sem boðið er upp á hvetjandi, faglega og vandaða þjálfun. Kvennastyrkur er einnig verslun sem er opin virka daga frá kl. 10-15 en þar er hægt að versla heilsutengdar vörur eða sækja vörur sem hafa verið pantaðar á heimasíðunni.

Markmið Kvennastyrks er að ýta undir ákefðina og hvatann sem býr innra með okkur. Í Kvennastyrk stuðlum við að heilbrigðu sambandi við hreyfingu, vinnum að því að auka trú á eigin getu og njótum á æfingu.

Gildi Kvennastyrks eru:

• Samheldni 
• Virðing
• Metnaður

Samheldni: Í grunninn erum við ein heild í Kvennastyrk. Það er engin fremri en önnur og allir að vinna á sínum hraða. Við leggjum mikið upp úr því að vera ekki að bera okkur sama við hvor aðra eða hvernig við einu sinni vorum heldur að vera stoltar af okkur eins og við erum í dag. Við erum alltaf að gera okkar besta miðað við aðstæður og dagsform og er það hluti af samheldninni að við getum öll staðið saman í því að skapa ómetanlega orku hér í Kvennastyrk.

Virðing: Í Kvennastyrk berum við virðingu fyrir hvor annarri. Allar eigum við okkar eigin sögu og okkar ástæður fyrir því að við erum eins og við erum í dag. Við leggjum upp með að bera virðingu fyrir öllum. Það er engin ein rétt leið að okkur sjálfum og tökum við okkur eins og við erum. 

Metnaður: Rauði þráðurinn í öllu sem við gerum í Kvennastyrk er metnaður. Með miklum metnaði fylgir framúrskarandi þjónusta og fagmennska. Við leggjum mikið upp með að upplifun af vörum og þjónustu hjá Kvennastyrk sé góð og gerum allt í okkar veldi til þess að það verði af því.

Kvennastyrkur var stofnað sumarið 2020 af Sigrúnu Maríu Hákonardóttur. Ástæðan fyrir því að Kvennastyrkur varð til er vegna mikillar eftirspurnar um framhaldsþjálfun eftir mömmutíma og sífelldum biðlistum í meðgöngu- og mömmutímum. Kvennastyrkur hefur síðan þróast út í yndislega starfsemi þar sem fleiri þjálfarar hafa komið inn og haft jákvæð og uppbyggileg áhrif á konur. 

Starfsfólk

Sigrún María Hákonardóttir, stofnandi Kvennastyrks

Sigrún er í fæðingarorlofi.

Sigrún hefur lokið B.Sc. námi í viðskiptafræði, MA námi í náms- og starfsráðgjöf, einkaþjálfaraprófi, meðgöngu- og mömmuþjálfaranámi, hóptímakennaraprófi, Bandvefslosunarnámi og Level 1 og 2 frá æfingakerfi Metabolic Ísland. Hún er einnig skráð í næringarráðgjafanám.

Hún hefur þróað sérstakt æfingakerfi í meðgöngu- og mömmutímum sem er að finna í MM-Basic, MM-Fit, meðgöngufjarþjálfun, mömmufjarþjálfun, einkatímum og á þjálfaranámskeiði. Hún er hönnuður af Bellu og Flöskunni vatnsflöskum og útgefandi af dagbókinni Ritleiðsla. Einnig er hún höfundur hugleiðslupakkans og Þitt sanna sjálf árangurstengt námskeið sem er í vinnslu. Sigrún heldur einnig úti podcastinu Pepp Fundir.

Þess fyrir utan er Sigrún þriggja barna móðir, eiginkona og hefur haft brennandi áhuga á öllu sem viðkemur andlega og líkamslega heilsu síðan 2008.

Arna Vilhjálmsdóttir, þjálfari og starfsmaður

 Arna er þjálfari og starfsmaður í Kvennastyrk. Hún er 30 ára gamall sagnfræðingur og einnig með BA- gráðu í ensku. Hún hefur starfað sem grunnskólakennari síðan 2018 og er í M.Ed. námi til þess að öðlast kennsluréttindi. Hún er einnig í einkaþjálfaranámi frá NASM en hún byrjaði í því námi árið 2020. Arna hóf störf í Kvennastyrk sumarið 2020 eftir að hafa ,,þekkt” Sigrúnu í 4 ár. Arna hefur gríðarlegan áhuga á hreyfingu og því að efla hreyfigleðina hjá konum og fólki almennt, eftir að hafa lent algjörlega á vegg aðeins 26 ára gömul. Eftir það þurfti hún að endurskilgreina margt í lífinu og hefur lært það að hreyfingin er hennar mesti máttur og lykilatriði þess að vera heilbrigður bæði á líkama og alls ekki síður á sál. Hún brennur fyrir því að hvetja konur til þess að gera hluti sem þær halda að þær geti ekki, stíga örlítið út fyrir kassann og þannig uppgötva að þær séu megnugar um hluti sem þær þorðu ekki einu sinni að vona að þær gætu. Arna kennir Styrk í Kvennastyrk.

Alexandra Sif Nikulásdóttir, þjálfari og starfsmaður

 

Starfsmaður er í leyfi.

Alexandra Sif eða Ale eins og hún er oftast kölluð, er þjálfari Kvennastyrks ásamt því að hafa yfirhöndina í markaðsmálunum okkar. Alexandra er yfirþjálfari Basic og Mömmutímanna og vinnur að því að ljúka bóklegu námi í meðgöngu og mömmuþjálfun hjá Sigrúnu, stofnanda Kvennastyrks.

Áður en Alexandra hóf störf hjá okkur starfaði hún sem þjálfari í gegnum netið hjá Fitsuccess og þjálfaði þar konur í 10 ár. Hún býr því að mikilli reynslu og þekkingu þegar kemur að þjálfun og matarræði.

Alexandra á eina dóttur fædda árið 2020 en á meðgöngunni fékk hún aukin áhuga á kvenheilsu og öllu sem viðkemur þjálfun á meðgöngu og eftir meðgöngu.

Hún hóf störf hjá Kvennastyrkí beinu framhaldi af fæðingarorlofinu sínu og stundaði MM-Fit tímana sjálf nánast frá opnun Kvennastyrks og þangað til að hún hóf störf hjá okkur. Hún hafði því fengið innsýn inn í starfsemi Kvennastyrks áður en hún byrjaði og hefur verið í sömu sporum og þær sem byrja í þjálfun hjá henni.

Alexandra er menntaður einkaþjálfari og förðunarfræðingur og stefnir að því að bæta við sig aukinni þekkingu í þjálfun á komandi mánuðum.

Alexandra brennur heitt fyrir öllu tengdu líkamlegri og andlegri líðan og kvenheilsu og var því frábær viðbót við teymið okkar.

Sólveig Helga Hákonardóttir, framkvæmdarstjóri og þjálfari

Sólveig sér um rekstur Kvennastyrks og þjálfun í afleysingum. Hún er að ljúka námi hjá NASM í einkaþjálfun og hefur lokið meðgöngu- og mömmuþjálfunarnámskeið hjá FitbySigrún. Sólveig er menntaður grunnskólakennari með áherslu á mat, menning, heilsu og sér meðal annars um Matarþjálfun Kvennastyrks. Þess fyrir utan er hún eiginkona og tveggja barna móðir.

 

Auður Bergdís Snorradóttir, jóga- og pilates kennari