4 vikna námskeið, kl. 10:20, 4. febrúar - 29. febrúar

4 vikna námskeið, kl. 10:20, 4. febrúar - 29. febrúar

Verð
Uppselt
Útsöluverð
19.900 kr
Skattur innifalinn Sendingarkostnaður reiknaður við staðfestingu.
Magn verður að vera 1 eða meira

Mömmutímar er hópþjálfun 3x í viku, 4 vikur í senn, byggð á æfingakerfi eftir FitbySigrún sem er sérstaklega sniðið að konum eftir barnsburð. 

Mömmutímarnir leggja sérstaka áherslu á að vinna með grindarbotnsvöðva, djúpvöðva kviðs, mjaðmasvæðið og stuðla að góðri líkamsstöðu. Mömmutímarnir eru fyrir allar konur sem hafa gengið með barn og vilja læra að styrkja grindarbotnsvöðva og djúpvöðva kviðs í öllum æfingum óháð því hvað það er langt frá fæðingu. Velkomið að mæta með eða án kríla. Það er einstaklingsbundið hvenær konur treysta sér til að hefja styrktar- og þolþjálfun eftir fæðingu. Ekki er mælt með að hefja Mömmutímana fyrr en í fyrsta lagi 6 vikum eftir fæðingu.

Markmið námskeiðs

Markmið með Mömmutímunum er að bjóða upp á skemmtilega og krefjandi þjálfun án vandkvæða eins og þvagleka, útbungun í miðlínu kviðs og mjóbaks- og grindarverki. Þessu markmiði er náð með því að:

  • Kenna sérstaka öndunartækni við að virkja og slaka á grindarbotnsvöðvum og djúpvöðvum kviðs í æfingum
  • Fara vel yfir líkamsbeitingu í öllum æfingum
  • Setja fyrir viðeigandi útfærslur af æfingum eftir aðstæðum

*Þjálfun eftir fæðingu getur verið mjög einstaklingsbundin og er því passað upp á að hver og ein fari á sínum hraða, fylgi útfærslum af æfingum sem eru tímabærar og með viðeigandi þyngdir/ákefð. Það getur komið upp að þjálfari meti að leita skuli til sérhæfðs sjúkraþjálfara samhliða þjálfun.*

Þjálfari námskeiðs

Þjálfari námskeiðs er Sigrún Hákonardóttir, sérhæfður meðgöngu- og mömmuþjálfari

Staðsetning námskeiðs

Námskeiðið er kennt í G-Fit Heilsurækt, Kirkjulundi 19, 210 Garðabær

Tímasetning námskeiðs

Námskeiðið byrjar þriðjudaginn 4. febrúar kl 10:20-11:20 og er kennt alla þriðjudaga og fimmtudaga kl. 10:20-11:20 og er síðan frjáls mæting milli kl. 11:15-13:15 alla laugardaga. Kríli eru velkomin með í alla tímana. 

  • Þriðjudagar: Áhersla á efri líkamann
  • Fimmtudagar: Áhersla á neðri líkamann
  • Laugardagar: Áhersla á allan líkamann og tækifæri til þess að fá ástandsmat á kviðvöðvum. Óhefðbundin hópþjálfunartími þar sem þú mætir þegar þér hentar á milli 11:15-13:15 og tekur æfingu dagsins (ath hægt að taka æfingu fram að kl. 13:15).

Skilmálar

Með því að skrá þig á námskeið samþykkir þú eftirfarandi skilmála (smelltu hér).

 

Gott að hafa í huga:

- Æfa í "hefðbundum" ræktarfötum og æfingaskóm. Það er klefi í Gfit og alltaf hægt að skipta um föt og fara í sturtu.

- Hafa barnið í bílstól, ömmustól eða á undirbreiðslu/leikteppi. Það eru tvær leikgrindur í boði, tveir matarstólar og yfirleitt amk ein undirbreiðsla í Gfit.

- Taka með þér vatnsflösku (sérstaklega ef þú ert að gefa brjóst). Ef hún skyldi gleymast eru glös til staðar í Gfit.

- Fá þér orku fyrir tímann. Síðasta lagi á leiðinni í tímann. T.d. 1/2 banana, 1/2 banana með möndlusmjöri, tvær döðlur, eina döðlu með möndusmjöri, djúsglas.